Herða reglurnar eftir atsókn

15.05.2019 - 17:32
AktueltTøkni
Herða reglurnar eftir atsókn
Facebook fer at herða reglurnar fyri at nýta Facebook Live, har til ber hjá brúkarum at vísa videoinnihald beinleiðis á sosiala miðlinum
 

Tað upplýsir Facebook í dag. Boðini koma samstundis sum fleiri av heimsins leiðarum hittast í París at viðgera spurningin um harðskap og víðgongt innihald á sosialum miðlum. 

Millum teirra, sum verða á fundinum í dag, eru franski forsetin, Emmanuel Macron, og nýsælendski forsætisráðharrin, Jacinda Adern.

– Eitt stig á røttu leiðini

Adern hevur funnist hvassliga at Facebook, í kjalarvørrinum av atsóknini at tveimum moskum í nýsælendska býnum Christchurch, sum kravdi 51 mannalív. Ein partur av atsóknini varð sendur á Facebook Live.

Varastjórin í Facebook sigur, at í framtíðini verður ein persónur, sum til dømis deilir eitt leinki við eini útsøgn frá einum yvirgangsbólki, forðaður at brúka Facebook Live eina tíð. 

Hetta er eitt stig á røttu leiðini, sigur nýsælendski forsætisráðharrin. Umboð fyri tøknirisarnar, Facebook, Google, Microsoft og Twitter, eru eisini við á toppfundinum í París í dag.

 
Nýggjastu sendingar í ÚV
Mikudag 21. oktober
Óhoyrt
115121
Mikudag 21. oktober
Breddin
115119
Mikudag 21. oktober
Nón 21. oktober 2020
115116
Mikudag 21. oktober
Góðan morgun Føroyar 21.10.2020
115107
Nýggjastu sendingar í SV
Mikudag 21. oktober
Eivør - útgávukonsert
115073
Týsdag 20. oktober
Atlantshavið 1:3 - Lívsstreymur
115072
Týsdag 20. oktober
Úr savninum: Við veðrum í vestaru skor
115071
Mánadag 19. oktober
3-2
115021
Sunnudag 18. oktober
Guðstænasta í Skála kirkju
114933