Pensjónistar biðja løgtingið bróta summarfrítíðina

21.05.2019 - 12:17
AktueltSamfelag
Pensjónistar biðja løgtingið bróta summarfrítíðina
Fólkapensjónistar heita á løgtingið um at avgreiða málið um fólkapensjónistar á arbeiðsmarknaðinum
Fólk eiga at sleppa at halda fram at arbeiða, hóast tey eru vorðnir pensjónistar. Men tað uppskotið er strandað í løgtingsnevnd
 

Landsfelag pensjónista er nú eisini millum teirra, sum vilja hava løgtingið at koma saman aftur, hóast tingið fór í summarfrí 3. mai. Orsøkin er tingmálið um at banna mismuni og tryggja javnviðgerð á arbeiðsmarknaðinum.

Uppskotið er millum tey nógvu, sum ikki komu aftur úr nevnd, tá løgtingsfólk fóru til hús. Upprunaliga segði uppskotið frá landsstýrinum, at fólk kundu sigast upp fyri aldur.

Hesum mótmælti Landsfelagið, og seinni kom Heðin Mortensen, landsstýrismaður, so við broytingaruppskoti, har aldurin varð strikaður sum uppsagnargrund. Men málið kom ikki aftur úr Rættarnevndini. 

Landsfelag pensjónista sigur í sínari áheitan á politiska myndugleikan, at verður bíðað eftir løgtingsvali síðst í august, kann lang tíð ganga, áðrenn eitt tílíkt uppskot verður lagt fyri løgtingið aftur.

Fakfelagssamstarvið á almenna arbeiðsmarknaðninum og Samtak hava eisini biðið løgtingið koma saman og avgreiða málið um arbeiðsmarknaðin.

 
Nýggjastu sendingar í ÚV
Leygardag 19. september
Morgunlestur leygardagur 19. september 2020
113244
Fríggjadag 18. september
Nón 18. september 2020
113633
Fríggjadag 18. september
UFO Kjallarin og UFO Renaissance'an - 9
113579
Fríggjadag 18. september
Skriðulopið í Klaksvík
113616
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186