Nýggjasta uppskotið fær kaldliga móttøku

22.05.2019 - 11:23
AktueltÚtheimurin
Nýggjasta uppskotið fær kaldliga móttøku
Theresa May, forsætisráðharri, legði í gjár fyri fjórðu ferð eitt uppskot fyri undirhúsið, um hvussu Bretland kann fara úr ES
 

Nýggjasta uppskotið hjá Theresu May, forsætisráðharra í Bretlandi, um brexit, fær kaldliga móttøku frá teimum, sum higartil hava atkvøtt ímóti avtaluni.

Í gjár legði Theresa May fyri fjórðu ferð eitt uppskot fyri undirhúsið, um hvussu Bretland kann fara úr ES. 

Labour fer ikki at atkvøða fyri

Politiskir eygleiðarar siga, at uppskotið er lagað soleiðis til, at forsætisráðharrin væntar, at andstøðuflokkurin Labour kann taka undir við tí.

Millum annað verður latið upp fyri møguleikanum at hava nýggja fólkaatkvøðu um brexit og eitt tættari handilssamstarv við ES, enn bretska stjórnin higartil hevur viljað.

Men Labour-leiðarin, Jeremy Corbyn, sigur, at Labour fer ikki at atkvøða fyri uppskotinum. 

Corbyn: – Uppskotið er eitt uppkók

Corbyn sigur, at uppskotið er eitt uppkók, sum tann tekur til, av sjónarmiðum, sum stjórnin hevur havt í samráðingunum við Labour, ið slitnaðu í síðstu viku.

Líkt er heldur ikki til, at konservativu parlamentslimirnir, sum higartil hava atkvøtt ímóti brexit-avtaluni, hava broytt støðu.

Norðurírski stuðulsflokkurin hjá stjórnini, DUP, sigur, at eisini í hesum uppskotinum verða gjørd somu mistøk sum í hinum málunum, ið parlamentið hevur vrakað.

 
Nýggjastu sendingar í ÚV
Sunnudag 20. oktober
Meg minnist: Egil Hoydal (1:2)
99927
Sunnudag 20. oktober
Bolero 20 okt. 2019
100078
Sunnudag 20. oktober
Guðstænasta úr Kunoyar kirkju 20 okt. 2019
100077
Sunnudag 20. oktober
Minnismyndir: Hans Holm (2:3)
99843
Sunnudag 20. oktober
Credo: Rennandi presturin
100037
Nýggjastu sendingar í SV
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta úr Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826