Freistin at bjóða upp á Posta longd

16.06.2019 - 14:42
AktueltSamfelag
Freistin at bjóða upp á Posta longd
Upprunaliga freistin var í morgin, men hon er longd til 25. juni
 

Tey, sum ætla at bjóða upp á Posta, fáa betri stundir at fyrireika seg.

Freistin er longd til 25. juni.

Birita Sandberg Samuelsen, advokatur hjá Sókn Advokatum, sum saman við Hammer Consulting, selur Posta fyri Uttanríkis- og vinnumálaráðið, sigur, at freistin er longd, so møguligir keyparar fáa betri stundir at greiða frá, hvussu ætlanin er at røkja veitingarskylduna næastu 10 árini.

Umframt at Posta er lýst alment til sølu, er kunnandi tilfar um Posta sent til møguligar keyparar, bæði í Føroyum og uttanlands.

Eisini er nýggj kostnaðarmeting gjørd av Posta í samband við søluna, men metingin er fyribils bara ætlað seljaranum, og er tí ikki almenn.

Saman við boðnum, skulu keyparar lata váttan um fígging. 

Við í keypinum fylgir eisini rætturin at gera og selja frímerki í 10 ár.

Sambært tíðarætlanini hjá Sókn Advokatum, verður sølan endaliga avgreidd 10. juli. 

Partabrøvini í Posta verða lýst til sølu undir einum, men tó ber til at selja høvuðssætið hjá Posta á Óðinshædd 2 í Havn fyri seg.

Fríggjadagin varð kunngjørt, at Posta letur nýggja deild upp í Keypmannahavn.

Joel undir Leitinum, stjóri í Posta, heldur ikki, at hetta fer at ávirka einskiljingartilgongdina.

- Tilgongdin hevur verið drúgv. Posta hevur gjørt nógv bæði undan og í hesi tilgongdini.  Og tað er partur av strategiini, sum nevnd og leiðsla hava lagt, at vit arbeiða fyri felagsins besta, og okkara vakstrarstrategi eigur ikki at verða ávirkað av hesum, sigur Joel undir Leitinum. 

 

Sí eisini

15.05.19
94541
07.05.19
94267
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618