Løgreglan ávarar um MDMA-rúsevnið

15.07.2019 - 12:37
Aktuelt112
Løgreglan ávarar um MDMA-rúsevnið
Ein maður varð innlagdur um vikuskiftið, tí hann hevði tikið vandamikla rúsevnið MDMA, sum løgreglan sigur er í vøkstri í Føroyum
Ein ungur maður hevði fríggjakvøldið tikið ov nógvar MDMA-tablettir og mátti í skundi koyrast á Landssjúkrahúsið, har hann kom undir viðgerð
 

Rúsevnið MDMA varð staðfest á G! festivalinum í ár. Ein ungur maður hevði tikið ov nógvar tablettir og mátti í skundi koyrast á Landssjúkrahúsið, har hann kom undir viðgerð.

Alt spældi - tá avtornaði - væl av, tá ein ungur drongur varð koyrdur á Landssjúkahúsið fríggjakvøldið, eftir at hava verið á G! festivali, og har hann hevði tikið ov nógv av rúsevninum MDMA.

Klokkan 20:50 fríggjakvøldið ringdi ein maður til løgregluna og boðaði frá, at vinmaður hansara var sera illa fyri, tí hann hevði tikið hetta rúsevnið.

Løgreglan: MDMA vindur uppá seg

Samarittar og ein lækni komu til mannin, og avgjørt var, at sjúkrabilur í skundi skuldi koyra hann á Landssjúkrahúsið. Maðurin kom undir læknahond, og fekk tað seinni betri, men hann var sambært løgregluni illa fyri, tá hann kom á sjúkrahúsið.

Tey løgreglufólk, sum vóru á G!, fóru síðani at leita eftir rúsevnum, men funnu eingi. Dávur Magnussen frá rúsevnadeildini sigur, at MDMA er við at vinda uppá seg.

Løgreglan og tollarar hava fleiri ferðir seinastu tíðina lagt hald á evnið - bæði tá fólk eru á veg inn í landið, eins og fólk eru tikin í náttarlívinum við evninum uppi á sær.

Rúsevnið kann vera deyðiligt

MDMA er eitt eftirgjørt rúsevni, sum økir ógvusliga um nátúrligu eydnu-hormonini í kroppinum. Ávirkanin kann vera somikið stór, at vandi er fyri, at hjartað ikki megnar at fylgja við. 

Dávur Magnussen frá rúsevnadeildini sigur, at dømir eru úr útlandinum - millum annað úr Danmark - har ungfólk eru deyð, eftir at hava tikið MDMA. Í Føroyum eru álvarsligir skaðar ikki staðfestir enn, og hendingin farna fríggjakvøld er tann ógvusligasta higartil.

MDMA verður bólkað sum rúsevni í tí harðara endanum, sum Dávur Magnussen orðar tað. Í mun til bót og revsing, verður evnið umróknað til ekstasy-tablettir, og so verður revsingin ásett. Er talan um heilt stórar nøgdir og sonevndar bakmenn, kann revsingin verða fongsul heilt upp í 14 ár.

 
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487