Funnu 45 kilo av sterkum rúsevnum

Funnu 45 kilo av sterkum rúsevnum
Tollvaldið í Íslandi fann 45 kilo av sterkum rúsevnum, tá Norröna kom til Seydisfjarðar hósdagin
Tollarar í Íslandi funnu 45 kilo av sterkum rúsevnum, tá Norröna kom til landið seinasta hósdag
Mynd: Savnsmynd (Ríkisútvarpið)  
 
04.08.2019 - 15:25

Tollarar í Íslandi funnu 45 kilo av sterkum rúsevnum, tá Norröna kom til landið seinasta hósdag. Tað skriva fleiri íslendskir fjølmiðlar.

Sambært keldum hjá íslendska Morgunblaðnum, var talan um bæði rúsevnini amfetamin og kokain, sum tollvaldið legði hald á hósdagin.

Sterku rúsevnini vóru fjald í einum bili, sum kom við Norrönu til Íslands hósdagin. Tað var rúsevnahundurin hjá tollvaldinum, ið snoddaði seg fram til rúsevnini.

Føroyska løgreglan onga áheitan

Bilurin er nú tikin sundur til kanningar, skrivar Morgunblaðið, men løgreglan á Eysturlandinum hevur tó ikki váttað hesar upplýsingarnar. Tveir útlendingar eru varðhaldsfongslaðir í tvær vikur.

Løgreglan á Eysturlandinum samstarvar við løgregluna í Reykjavík um málið, men meira vil íslendska løgreglan ikki siga um málið í løtuni sambært blaðnum.

Hetta er størsta nøgdin av rúsevnum, sum hald er lagt á í einum, í stívliga 10 ár í Íslandi. Tá løgdu myndugleikarnir hald á 55 kilo av rúsevnum.

Løgreglan í Føroyum hevur ikki fingið nakra áheitan frá íslendsku myndugleikunum um, at seta kanningar í verk her, upplýsir Steen Nørskov, chefpolitiinspektørur, í dag fyri útvarpinum.

Er kopiera
Nýggjastu sendingar í ÚV
Leygardag 19. juli
Morgunlestur leygardagur 19.juli 2025
194090
Fríggjadag 18. juli
Radio Stjernekilde II - part 6
194670
Fríggjadag 18. juli
Praktikanturin: Bjarki Vang
194673
Fríggjadag 18. juli
RagnarRokk: Erica Stoltz um Heat Lightning
194126
Fríggjadag 18. juli
Morgunlestur fríggjadagur 18.juli 2025
194089
Nýggjastu sendingar í SV