Grót úr undirsjóvartunli verður til bø

12.08.2019 - 10:35
AktueltSamfelag
Grót úr undirsjóvartunli verður til bø
Grótið úr Sandoyartunlinum Streymoyarmegin verður til bø á Velbastað. Avtala er gjørd um ein triðing av grótinum
Í Traðadali í Sandoynni eru sprongdir góðir 200 metrar.
 

Búnaðarstovan skal umsita pengarnar, 1,65 milliónir krónur, sum Partafelagið Eystur- og Sandoyartunlar skal rinda fyri at sleppa at tyrva grót á festinum hjá Djóna Zakarisi Frýdal á Velbastað.

Festarin fær bø oman á tyrvda grótinum. Hetta verður bøur, sum maskinur kunnu arbeiða á.

Grótið úr Sandoyartunlinum streymoyarmegin skal tyrvast á Velbastað. Síðani verður bøur gjørdur á tyrvda grótinum.

Partafelagið Eystur- og Sandoyartunlar og Búnaðarstovan hava síðst í mai gjørt avtalu um ein triðing av grótinum.

Og ætlanin er eisini at gera avtalu um hinar tveir triðingarnar.

Triðingurin í fyrsta umfari

Tilsamans er talan um 670.000 rúmmetrar av gróti, sum verður lagt báðu megin landsvegin við Breiðá.

Talan er um 113.000 fermetrar av bøi, sum verður lagdur oman á grótið. 

Fyri at sleppa at leggja grótið í festinum hjá Djóna Zakarisi Frýdal og gera maskinbø niðanfyri vegin, fær Búnaðarstovan 1,65 mió. kr. frá Partafelagnum Eystur- og Sandoyartunlar.

Hetta er fyri ein triðing av grótinum. 

Festarin fær 80.000 kr. í endurgjaldi fyri mist bit í tvey ár.

 
Nýggjastu sendingar í ÚV
Fríggjadag 23. august
Summartímin hósdagin 22. august
97964
Fríggjadag 23. august
Stakkafestivalur í Sørvági í dag
97961
Fríggjadag 23. august
Morgunlesturin friggjamorgunin 23. august 2019
96279
Hósdag 22. august
Tingið: Framsókn
97928
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745