Kæra um tyrvingina á Velbastað

Kæra um tyrvingina á Velbastað
Yvirfriðingarnevndin er biðin um at steðga ætlanini um at tyrva grót úr Sandoyartunlinum báðum megin vegin við Breiðá á Velbastað
Byrjað verður at bora við Gomlurætt nú í vikuni.
 
14.08.2019 - 12:33

Yvirfriðingarnevndin er biðin um at steðga ætlanini um at tyrva grót úr Sandoyartunlinum báðum megin vegin við Breiðá á Velbastað.

Yvirfriðingarnevndin gav annars loyvi til ein triðing av tyrvingini, tað er tann niðanfyri vegin, 7.september í 2016.

Men Annfinn Brekkstein, sum býr á Velbastað, og er býráðslimur í Tórshavnar kommunu, hevur kært alla tyrvingina sum hon er til Innlendismálaraðið.

Hann vísir til náttúrufriðingarlógina, sum sigur, at hóast úrskurðirnir hjá Yvirfriðingarnevndini eru endaligir, kann nevndin sjálv taka upp aftur eitt mál og møguliga broyta avgerð, hon hevur tikið áður, tá serstakar umstøður kunnu gera seg galdandi.

Innlendismálaráðið hevur sent kæruna hjá Annfinni Brekkstein til Yvirfriðingarnevndina.

Vánalig loysn

Annfinn Brekkstein kærdi á ólavsøku.

Yvirfriðingarnevndin hevur fund síðst í hesum mánaðinum.

Annfinn Brekkstein sigur, at tað er vánaligasta loysnin fyri náttúruna at tyrva grótið.

Grótið kann brúkast til millum annað vinnuøki við Gomlurætt ella sum bakkaverja í Kirkjubø.

Byrjað verður at bora Streymoyarmegin í hesari vikuni, sigur Teitur Samuelsen, stjóri í P/F Eystur- og Sandoyartunlar.
 

Er kopiera
Nýggjastu sendingar í ÚV
Fríggjadag 10. mai
Tá Grønland bjargaði Føroyum (5:6)
174910
Fríggjadag 10. mai
Vikuskiftið 10 mei 2024
174904
Fríggjadag 10. mai
Ein sangur um frælsi (1:5)
174575
Fríggjadag 10. mai
Við pápa aftur í tíð
174833
Nýggjastu sendingar í SV
Fríggjadag 10. mai
Veðrið
174902
Hósdag 9. mai
Komið øll við (1:2)
174846
Hósdag 9. mai
Andakt við Theodor Eli Dam Olsen
174860
Hósdag 9. mai
Føroyar - Norðurmakadonia (34-27)
174843