Møguligt makrelstríð: ES hóttir við tiltøkum

Møguligt makrelstríð: ES hóttir við tiltøkum
ES hóttir við handilstiltøkum móti Grønlandi og Íslandi, um tey ikki minka sínar makrelkvotur. Tað skrivar Sermitsiaq. 
 
24.08.2019 - 16:05

ES hóttir við handilstiltøkum móti Grønlandi og Íslandi, um tey ikki minka sínar makrelkvotur. Tað skrivar Sermitsiaq. 

Grønland økti sjálvt sína makrelkvotu við Eysturgrønland, frá umleið 60 túsund tonsum til góð 70 túsund tons. Ísland ætlar somuleiðis at hækka kvotuna úr 107 túsund tonsum upp í 140 túsund tons.

Í 2014 var ein makrelavtala gjørd millum ES, Norra og Føroyar - Grønland, Ísland og Russland vóru ikki við í avtaluni.

ES, Norra og Føroyar hava ásett eina samlaða makrelkvotu í 2019 uppá 653.438 tons. Londini, sum eru uttanfyri - Ísland, Grønland og Russland - fáa 15,6% av kvotuni. Tað svarar til 102.000 tons. 

Nú hava Grønland og Ísland so hækkað kvotuna, so kvoturnar samanlagt vera til 210.651 tons - meira enn tvífalt tað, øll trý londini hava fingið tillutað. 

Bretski ES-tinglimurin, Chris Davies, skírir avgerðina hjá Íslandi og Grønlandi at hækka markrelkvoturnar fyri at vera vanvirðiliga. Og hann sigur seg vilja arbeiða fyri burðadyggum makrelfiskiskapi i Norðuratlantshavi. 

Tá Føroyar hækkaðu silda- og makrelkvotuna í 2013, setti ES somuleiðis handilstiltøk í verk og noktaði føroyskum skipum at sleppa í havnir í ES-londunum.

Hvørji handilstiltøk ES ætlar at seta í verk móti Íslandi og Grønlandi, fer fiskiveiðinevndin hjá ES at viðgera 4. september, tá nevndin aftur hevur fund. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585