USA konsulát í Grønlandi

USA konsulát í Grønlandi
Næsta ár fer USA at stovna eitt konsulát í Nuuk í Grønlandi
 
04.09.2019 - 15:53

Har fara at starvast sjey fólk. Til sammetingar hevur landsstýrismaðurin í uttanríkismálum í Grønlandi 15 starvsfólk í sínum aðalráði, skrivar tíðindastovan AP.

Í mai læt USA eina skrivstovu upp í Nuuk við einum embætisfólki. Embætisfólkið býtir starvstíðina millum Nuuk og amerikansku sendistovuna í Keypmannahavn.

Men í heyst ætlar USA at seta grønlendsk starvsfólk, og næsta ár skulu tilsamans sjey fólk starvast á konsulátinum.

Økja amerikansku hjáveruna í Arktis

AP hevur fingið hendur á einum uppriti, sum amerikanska uttanríkisráðið hevur sent kongressini í Washington um ætlanirnar í Grønlandi.

Sambært uppritinum skulu starvsfólk á konsulátinum í Nuuk knýta tætt samband við grønlendsk embætisfólk og samfelagið.

Konsulátið skal eisini verða við til at økja amerikansku hjáveruna í Arktis og verður ein pallur at fremja amerikansk áhugamál í Grønlandi, stendur í uppritinum.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652