Fínteljingin broytti ikki løgtingsvalið

bannari
05.09.2019 - 11:15
AktueltPolitikkur
Fínteljingin broytti ikki løgtingsvalið
Tey 33, sum blivu vald leygardagin, eru framvegis vald eftir fínteljingina
Nú er endaliga staðfest, hvør verður í løgtinginum eftir valið leygardagin
 

Fínteljingin í gjár eftir løgtingsvalið leygardagin broytti ikki úrslitið. Poul Michelsen fekk seks atkvøður afturat, so hann hevur 271 atkvøður.

Ruth Vang fekk eina atkvøðu afturat og fekk tí 265 atkvøður. Poul Michelsen, formaður í Framsókn, er tí framvegis valdur í løgtingið.

Spennandi var eisini í Javnaðarflokkinum, har Bjarni Hammer hevði tríggjar atkvøður fleiri enn Eyðgunn Samuelsen. Her gjørdist uppaftur meira spennandi.

Tí Eyðgunn Samuelsen fekk eina atkvøðu afturat, og fekk tí 269 atkvøður. Men Bjarni Hammer fekk 271 atkvøður. So munurin millum tey bæði minkaði niður í tvær atkvøður.

Tvey jøvn

Hjá Fólkaflokkinum fingu Annika Olsen og Brandur Sandoy sama atkvøðutal, 289 atkvøður. Annika Olsen fekk eina atkvøðu afturat í fínteljingini, og Brandur Sandoy fekk tvær atkvøður afturat. 

Løgtingsvalnevndin avgjørdi tí við lutakasti, at Annika Olsen er nummar 10 á listanum, og Brandur Sandoy er nummar 11.

Tað merkir, at Annika Olsen er annar tiltakslimur hjá Fólkaflokkinum. Heðin Zachariasen er fyrsti taltakslimur hjá flokkinum.

 
Nýggjastu sendingar í ÚV
Fríggjadag 21. februar
Dagsins yrking - Andlitsfrymlar
104573
Fríggjadag 21. februar
Pressan: Søgur sigast í podvarpi
105115
Fríggjadag 21. februar
Morgunlesturin fríggjamorgunin 21. februar 2020
104418
Hósdag 20. februar
Kvørnin vitjar Kris-Stuff (2:2)
105095
Hósdag 20. februar
Breddin
105090
Nýggjastu sendingar í SV
Hósdag 20. februar
Hyggjuráðið
105088
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893