Ríkisrættarmál hóttir Donald Trump

25.09.2019 - 10:01
AktueltÚtheimurin
Ríkisrættarmál hóttir Donald Trump
Amerikanski forsetin skal hava lagt trýst á ukreinska forsetan fyri at fáa kann at leita upp eitthvørt at brúka ímóti Joe Biden, forsetavalevni
Donald Trump váttaði í gjár, at hann hevur afturhildið umleið 400 milliónir dollarar, ið skuldu verið latnar Ukraina í stuðli
 

Nancy Pelosi, forkvinna hjá Demokratunum í amerikanska umboðsmannatinginum, boðaði í gjarkvøldið frá, at kanning verður sett verk ímóti Donald Trump, ið kann enda við ríkisrættarmáli.

Hon segði, at ein kanning verður sett í verk, so greiða kann fáast á, um forsetin hevur lagt trýst á foretan í Ukraina.

Í stríð við stjórnarskipanina

Tað skal Donald Trump hava gjørt í eini roynd at seta fyrrverandi varaforsetan, Joe Biden, í ringt ljós, tí Joe Biden er forsetavalevni hjá Demokratunum, og kann koma at kappast við Donald Trump á komandi forsetavalinum.

Nancy Pelosi sigur, at gerðirnar hjá Donald Trump kunnu hava máað grundarlagið undan tjóðartrygdini, og vera í stríð við stjórnarskipanina.

Forsetin má ábyrgdast. Eingin er omanfyri lógina, sigur Nancy Pelosi.

Trump: Eg verði jagstraður

Donald Trump, sum í gjár helt røðu á aðalfundinum hjá Sameindum Tjóðum, vísir atfinningarnar frá sær á Twitter.

Demokratarnir royna tilvitað at oyðileggja og niðurgera arbeiðið á einum so týðandi degi hjá ST við falstíðindum og heksajagstran, skrivar Donald Trump.

Søgan kom undan kavi í síðstu viku, tá The Washington Post skrivaði, at ein varskógvari í Hvítu húsunum hevði hoyrt eina telefonsamrøðu millum Donald Trump og ein útlendskan leiðara.

400 milliónir dollarar afturhildnar

Alt bendir á, at talan er um samrøðuna millum Donald Trump og forsetan í Ukraina, Volodimir Zelenskij, har Donald Trump nú verður ákærdur fyri at hava roynt at fáa til vega tyngjandi upplýsingar um Joe Biden og son hansara.

Sonurin hjá Joe Biden var stýrislimur hjá einum ukrainskum orkufelag meðan Joe Biden var varaforseti hjá Barack Obama.

Donald Trump váttaði í gjár, at hann hevur afturhildið umleið 400 milliónir dollarar, ið skuldu verið latnar Ukraina í stuðli. Men hann sýtir fyri, at tað er fyri at trýsta forsetan í Ukraina í málinum um Joe Biden og sonin.

 
Nýggjastu sendingar í ÚV
Hósdag 20. februar
Góðan morgun Føroyar 20. februar
105074
Hósdag 20. februar
Oddvør Johannesen er gestur í Dansivali
105071
Hósdag 20. februar
Dagsins yrking - Lyklar
104572
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880