Eftirlýsti fraklendingurin hevur gist í Føroyum

Eftirlýsti fraklendingurin hevur gist í Føroyum
Løgreglan í Føroyum hevur fingið nakrar fráboðanir um eftirlýsta fraklendingin, sum er horvin
Fraklendingurin Bastien Porée, sum løgreglan sóknast eftir, hevur gist í Føroyum, upplýsir løgreglan
Mynd: politi.fo  
 
04.10.2019 - 16:40

Tað seinasta, fólk vita um mannin, er, at hann er farin umborð á Norrønu í Seyðisfirði 20. februar á veg til Føroya.

Hildur Hentze, vaktleiðari á politistøðini, sigur, at løgreglan í Føroyum nú hevur staðfest, at maðurin hevur gist í Føroyum í februar mánaði í ár.

Hava kannað vakmyndatól

Nú kannar løgreglan slóðir í sambandi við, at hann hevur nýtt íslendskt gjaldskort í Føroyum, sum kann vísa, hvar hann hevur verið og kanska hvar hann er.

Løgreglan hevur eisini fingið fráboðan frá fólki, sum hildu seg hava sæð mannin í Kollafirði. Løgreglan hevur kannað vakmyndatól, sum vísur, at hetta var ikki maðurin.

Maðurin, sum eitur Bastien Porée, er 31 ára gamal. Hann er 182 sentimetrar høgur, klænur, hevur blá eygu og piercing í høkuni og í høgra oyra. 

Óvist um hann farin av landinum aftur

Staðfest er, at maðurin er komin til Føroya, men hann stendur ikki á nøkrum lista yvir ferðafólk, sum eru farin avaftur landinum, hvørki við Norrönu, SAS ella Atlantic Airways.  

Familjan sigur, at maðurin hevði tunglyndi, og eftir at hann varð sagdur úr starvi, hevði hann brúk fyri at fáa luft, og um heystið 2018 fór hann til Íslands. Familjan hevði av og á samband við mannin, seinast í januar í ár, og vinmaður Bastien Porée seinast í februar í ár.

Tey, sum vita eitthvørt um mannin at siga, verða vinarliga biðin um at seta seg í samband við politiið, sum hevur telefonnummar 114.

Er kopiera
Nýggjastu sendingar í ÚV
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226