Lógaruppskot um fólkapensjón sent fakfeløgum

08.10.2019 - 12:33
AktueltSamfelag
Lógaruppskot um fólkapensjón sent fakfeløgum
Fakfeløg og landsstýrið havt fund um Samhaldsfasta
Øll 67 ár ella eldri fáa pengar úr Samhaldsfasta.
 

Løgmaður var ikki við á fundinum í gjár, sum fakfelagsfólk høvdu við landsstýrið um Samhaldsfasta.

Tað høvdu feløgini annars biðið um.

Men Jørgen Niclasen, landsstýrismaður í fíggjarmálum, og Elsebeth Mercedis Gunnleygsdóttir, landsstýriskvinna í almannamálum, vóru á fundinum.

Níggju fakfeløg hava í yvirlýsing gjørt vart við, at arbeiðsmarknaðurin eigur Samhaldsfasta, og at politikararnir skulu lata hann fáa frið.

Í samgonguskjalinum stendur, at aldurstrygdargrunnur skal setast á stovn, og fólkapensjónistar skulu fáa tvey útgjøld og ikki trý sum nú.

Stúra fyri Samhaldsfasta

Fakfeløg stúra fyri, at landsstýrið tekur Samhaldsfasta við í hesa broytingina. 

Fakfeløgini søgdu í yvirlýsing 18.september, at tey hoyrdu, at ætlanin er at fara eftir Samhaldsfasta og blanda grunnin saman við almennu pensjónini.

Á fundinum í gjár fingu fakfelagsfólkini at vita, at landsstýrið kemur við lógaruppskoti um pensjónirnar, sum hevur samband við fíggjarlógina, og at fakfeløgini fáa uppskotið til hoyringar.

Annars hevur landsstýrið avsannað, at tað ætlar at taka Samhaldsfasta.

Arbeiðsgevarafelagið hevur ikki gjørt vart við seg í hesum máli.  Marita Rasmussen, stjóri í Vinnuhúsinum, sigur, at tey hava ikki viðgjørt málið.

Tey vita ikki enn, hvat landsstýrið ætlar ítøkiliga at gera.
 
 

 
Nýggjastu sendingar í ÚV
Hósdag 20. februar
Dagsins yrking - Lyklar
104572
Hósdag 20. februar
Áðrenn Elvis 19 februar 2020
105041
Mikudag 19. februar
Breddin
105036
Mikudag 19. februar
Nón 19. februar 2020
105032
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880