Systkinaavslátturin kostað 28 milliónir

Í 2016 varð systkinaavslátturin í Tórshavnar Kommunu broyttur soleiðis, at foreldur bara skulu gjalda fyri at fáa yngsta barnið ansað. 

Broytingin hevur kostað  kommununi 28 milliónir krónur hesi gott fýra árini. 

Tað vísir eitt innlit, sum Kringvarpið hevur fingið. 

Frammanundan varð fult gjald goldið fyri bíligasta ansingarplássið, og síðani 75 prosent av restini. 

Sambært trivnaðarstjóranum í Tórshavnar kommunu, Jóan Petur Hentze, vaksa krøvini til dagstovnaøkið støðugt, og tað leggur trýst á umsitingina.

Økta trýstið á dagstovnaøkið hevur havt við sær, at seinasta árið hava fimm dagstovnaleiðarar í høvuðsstaðnum sagt seg úr starvi.