Eik-dómur: Rokningin kann enda hjá Betri

bannari
19.11.2019 - 06:52
AktueltPolitikkur
Eik-dómur: Rokningin kann enda hjá Betri
Oddamenninir í gamla Eik høvdu eina trygging, sum nú dekkar ein stóran part av 150 milliónunum, sum teir eru dømdir at rinda, sigur Odd Bjellvåg
 

Tryggingin hjá Betri rindar ein stóran part av rokningini hjá teimum trimum oddamonnunum í fyrrverandi Eik banka, sum í gjár vórðu dømdir at gjalda tilsamans 150 milliónir krónur til Fíggjarligt Støðufesti.

Tað váttar Odd Bjellvåg, ein teirra, sum í gjár varð dømdur at rinda Fíggjarligum støðufesti endurgjald fyri kollsilgda Eik banka, fyri sjónvarpinum. 

150 milliónir krónur fyri Eik í Føroyum, og 28,6 milliónir krónur fyri Eik í Danmark. Also smáar 180 milliónir krónur í alt tað, sum dómsvaldið hevur dømt oddamennirnir í Eik at rinda í endurgjaldi.

Marner Jacobsen, Fritleif Olsen og Odd Bjellvåg skulu deilast um rokningina, og nakrir teirra eiga eisini sín lut í donsku rokningini. 

Serlig bankatrygging dekkar

Teir høvdu tó eina trygging hjá Betri trygging upp á 125 milliónir krónur um so er, at ein støða sum hendan skuldi taka seg upp.

Tað er langt frá 125 milliónum til smáar 180 milliónir krónur. Um hendan tryggingin ger møguleikarnar hjá oddamonnunum, at rinda rokningina størri er sostatt ivasamt. 

Ingunn Eiriksdóttir, stjóri í Betri Trygging, vildi ikki gera viðmerkingar til málið í gjár.

Tað kann hugsast, at Betri Trygging er endurtryggjað hjá øðrum tryggingarfelag fyri upphæddina, so Føroya fólk ikki skal rinda rokningina.

Eingin av teimum trimum dømdu vildu í gjár gera viðmerkingar eftir at dómurin var fallin.
 

Er kopiera
Nýggjastu sendingar í ÚV
Hósdag 16. september
RagnarRokk 16.september 2021
128588
Hósdag 16. september
RagnarRokk: Einar Solberg um Aphelion
128585
Hósdag 16. september
Morgunlestur hósdagur 16.september 2021
128183
Mikudag 15. september
Nón 15. september 2021
128650
Nýggjastu sendingar í SV
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578
Mánadag 13. september
3-2
128554