Løgreglan havt úr at gera í nátt

01.12.2019 - 10:03
Aktuelt112
Løgreglan havt úr at gera í nátt
Níggju ferðir var neyðugt hjá løgregluni at senda boð eftir sjúkrabili, tí fólk vóru komin illa fyri á ymsan hátt
 

Politiið hevði úr at gera í nátt, tí nógv jólaborðhald vóru, og av tí sama vóru nógv fólk í býnum, bæði í Havn og í Klaksvík. Løgreglan mátti í eitt veitsluhald í Klaksvík og eitt í Havn, tí aldurnar gingu ov høgt, so neyðugt var at sissa fólk.

Níggju ferðir var neyðugt hjá løgregluni at senda boð eftir sjúkrabili, tí fólk vóru komin illa fyri á ymsan hátt.

Um trýtíðina var ein maður á prutli tikin í Klaksvík, og hann var sjónliga ávirkaður av rúsdrekka. Fyri tað fær hann eina bót, men missir annars ikki koyrikortið til bil.

Fleiri fráboðanir um hýruvognar

Fyri løtu síðani varð ein maður í Havn tikin fyri at koyra við kenning, og hann kann rokna við at missa koyrikortið.

Seinastu tíðina hevur politiið fingið fleiri fráboðanir um, at hýruvognar, sum hoyra heima uttan fyri Tórshavnar kommunu, javnan koma til Havnar at koyra um vikuskiftið.

Tað er ikki lovt, tí ein hýruvognskunngerð er galdandi fyri Tórshavnar kommunu, og tann sum ætlar at koyra hýruvogn í Havn, skal hava loyvi frá komununi.

Eingin fráboðan um harðskap

Løgreglan gjørdi slíkar kanningar í nátt, og ein bilur varð tikin, og hann fær bót fyri at bróta lógina.

Annars er markið fyri hýruvognskoyringina, at bilar úr øðrum plássum kunnu koyra fólk til Havnar, og koyra tey úr aftur Havnini. Tað er ikki brot á lógina.

Hóast nógv fólk vóru úti, so hevur løgreglan ikki fingið nakra fráboðan um harðskap í nátt.

 
Nýggjastu sendingar í ÚV
Fríggjadag 6. desember
Góðan morgun, Føroyar 6. desember 2019
101913
Fríggjadag 6. desember
Pressan: Fútaforboð og pressufrælsi
101910
Fríggjadag 6. desember
Morgunlesturin fríggjamorgunin 6. desember 2019
101799
Hósdag 5. desember
Breddin
101869
Hósdag 5. desember
Nón - 5. des. 2019
101868
Nýggjastu sendingar í SV
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682
Sunnudag 1. desember
Guðstænasta í Mariukirkjuni
101705
Fríggjadag 29. november
Hyggjuráðið
101668