Nógv meira í skatti

Til 1. desember í ár fingu kommunurnar góðar 137,5 milliónir krónur meira í skatti enn til 1. desember í fjør. Talan er um 8,14 prosent.

Í desember í fjør fingu kommunurnar 178,4 milliónir krónur í fyribilsstatti. Til 1. desember í ár fingu kommunurnar góða eina milliard og 820 milliónir krónur í sín part av skattinum.

Allar kommunur uttan Fámjins kommuna hava fingið fleiri pengar í ár. Hjá helvtini er hækkingin meira enn tíggju prosent.

Meira eisini farið í landskassan

Fámjins kommuna fekk 80.000 krónur minni í skatti til 1. desember í ár enn til 1. desember í fjør. Talið er ikki stórt, men talan er tó um 3,4 prosent.

Meira er eisini farið í landskassan. Hann fekk góðar 138,5 milliónir krónur meira til 1. desember í fjør.

Kirkjuskatturin er eisini størri til 1. desember í ár. Har er munurin 9,3 milliónir krónur, næstan 20 prosent.