Jeremy Corbyn: Boris fuppar

06.12.2019 - 17:45
AktueltÚtheimurin
Jeremy Corbyn: Boris fuppar
Formaðurin í Labourflokkinum sigur, at bretski forsætisráðharrin, Boris Johnsen, bluffar um handilin millum Norður-Írland og restina av Bretlandi
 

Í eini talu í London í dag vísti Corbyn eina loyniliga frágreiðing hjá stjórnini, sum, sambært honum, vísur, at tað verður toll-eftirlit millum NorðurÍrland og fastlandið við tí avtaluni, sum Boris Johnson hevur samráðst við ES um.

- Hetta vísur greitt, hvussu oyðileggjandi avleiðingar av brexit-avtaluni hjá Johnson verða fyri meginpartin av okkara landi, segði Corbyn.

Kjak í kvøld

Jeremy Corbyn og Boris Johnson hittast í kvøld í kjaksending í BBC fyri seinastu ferð áðrenn valið. Hildið verður, at loyniliga frágreiðingin verður eitt av høvuðsevnunum.

Týdningarmesti boðskapurin hjá Johnson undir valstríðnum er at fáa brexit avgreitt, - trý ár eftir fólkaatkvøðuna í 2016. Men hetta er villleiðandi, sigur Corbyn.

Sambært Corbyn, biðir Johnson veljararnar fara á val uttan at kunna teir um týdningarmiklar avleiðingar.

Frágreiðingin hjá stjórnini vísur, sambært formanninum í Labour, at tað verður bæði tollavgreiðsla og trygdareftirlit millum NOrðurÍrland og resta av Bretlandi, - og tað er beint øvugt av lyftinum hjá Johnson um, at einki mark skal verða.

Labour-flokkurin vil samráðast í Brússel um nýggja avtalu um brexit, - ein avtala, sum fevnir um tollsamgongu.

Og henda avtalan skal so til fólkaatkvøðu, sigur Labour.

 
Nýggjastu sendingar í ÚV
Fríggjadag 17. januar
Pressan: Framtíðin er her
103479
Fríggjadag 17. januar
Góðan morgun Føroyar, 17. januar 2020
103473
Fríggjadag 17. januar
Morgunlesturin fríggjamorgunin 17. januar 2020
102994
Hósdag 16. januar
Øssur Olsen er gestur í Dansivali
103451
Hósdag 16. januar
Breddin
103445
Nýggjastu sendingar í SV
Hósdag 16. januar
Nóllywood (2:2)
103104
Mikudag 15. januar
Mentanarvirðislønir landsins 2019
103404
Mánadag 13. januar
3-2
103292
Sunnudag 12. januar
Guðstænasta í Vestmanna kirkju
103233