- Tíðindi, mentan og ítróttur
Ferðslan í Norðoyatunlinum fleirfaldað
Ferðslan í Norðoyatunlinum fleirfaldað
Ferðslan í Norðoyatunlinum er nógv økt, síðani tunnilin lat upp fyri almennari ferðslu í 2006
Tað koyra nú í miðal 3.585 akfør ígjøgnum Norðoyatunnilin hvønn dag í árinum
04.01.2020 - 09:20
Hesi 14 árini, Norðoyatunnilin hevur verið opin, er ferðslan næstan trífaldað. Tað vísir ein nýggj uppgerð hjá tunnilsfelagnum, nú árið í fjør er gjørt upp.
Í fjør koyrdu tilsamans 1.308.519 akfør ígjøgnum Norðoyatunnilin. Hetta svarar til, at tað í miðal koyrdu 3.585 akfør ígjøgnum Norðoyatunnilin hvønn dag í 2019.
Í 2006, tá tunnilin lat upp, koyrdu 448.884 akfør ígjøgnum tunnilin. Árið eftir koyrdu tilsamans 662.828 akfør ígjøgnum tunnilin, sambært tølum hjá almenna partafelagnum.
Er kopiera
Nýggjastu sendingar í ÚV
Nýggjastu sendingar í SV
