Spyr um farloyvismál í Tórshavnar býráð

26.01.2020 - 18:00
AktueltPolitikkur
Spyr um farloyvismál í Tórshavnar býráð
Hóast Kommunala eftirlitið segði, at tað var í lagi hjá býráðslimi at møta aftur, áðrenn farloyvistíðin var úti, er Heðin Mortensen ikki nøgdur
 

Eitt farloyvi hjá einum býráðslimi í Havn endar nú á borðinum hjá Helga Abrahamsen, landsstýrismanni í umhvørvis- og vinnumálum, sum eisini umsitur kommunumál.

Heðin Mortensen, løgtingsmaður, sum eisini er býráðslimur, spyr landsstýrismannin, um tað var ein politisk avgerð at broyta siðvenjuna um farloyvi hjá einum kommunustýrislimi beint fyri jól.

Gunvør Balle, býráðslimur, var í farloyvi, men hon møtti kortini á býráðsfundi, áðrenn farloyvistíðin var úti.

Og tað hevði hon rætt til, tí eingin regla forðar einum kommunustýrislimi at møta á býráðsfundi, hóast viðkomandi er í farloyvi, segði Kommunala eftirlitið í einum svari til Tórshavnar býráð.

Men Heðin Mortensen er ikki nøgdur.

47 ára gomul siðvenja

Hann sigur í viðmerkingunum til fyrispurningin til Helga Abrahamsen, at øll 47 árini, hann hevur verið í býráðspolitikki, hevur tað verið siðvenja, at fer ein býráðslimur í farloyvi, skal farloyvið vera fyri í minsta lagi 14 dagar.

Og tað skal ikki bera til at taka sæti aftur í býráðnum, fyrr enn teir 14 dagarnar eru farnir. 

Borgarstjórin í Tórshavnar kommunu hevur víst á, at sambært grein 19 í kommunustýrislógini stendur, at tá býráðslimur, sum er í farloyvi, kann møta aftur, fer tiltakslimurin út.

Men Heðin Mortensen vil vera við, at hendan greinin snýr seg bara um mannagongdina, tá fleiri tiltakslimir eru inni í senn, og ikki um longdina av farloyvinum, ella nær kommunustýrislimurin í fyrsta lagi kann taka sæti aftur.

Heðin Mortensen sigur í viðmerkingunum til fyrispurningin, at verður niðurstøðan hjá Umhvørvis- og vinnumálaráðnum galdandi í framtíðini, fer at bera til at skáka sær undan við at fara í farloyvi í minst 14 dagar, men dagin eftir broyta hugsan og taka sæti aftur. 

 
Nýggjastu sendingar í ÚV
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Mikudag 25. november
Tempo - 241120
116740
Mikudag 25. november
Morgunlesturin mikumorgunin 25. november 2020
116530
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617