Plast betri fyri umhvørvið enn bummull

Plastposar fara betur við umhvørvinum enn posar, sum eru gjørdir úr bummull. 

Tað er niðurstøðan í stórari kanning, sum danska umhvørvisstýrið hevur bílagt frá DTU, Danmarks Tekniske Universitet.

Niðurstøðan er, at klædnaposar eru nógv verri fyri umhvørvið enn plastposar, tí tað dálkar illa at gera posar úr bummull, og at virka bummull yvirhøvur..

Kanningin sigur, at ein pappírsposi skal brúkast 40 ferðir, ein posi úr vanligari bummull 7.100 ferðir og ein posi úr vistfrøðiligari bummull 20.000 ferðir, áðrenn teir eru betri fyri umhvørvið enn plastposarnir.