Fjaldar lýsingar eru lógarbrot

11.02.2020 - 09:12
AktueltSamfelag
Fjaldar lýsingar eru lógarbrot
Tey, sum lýsa ella skriva um eina fyritøku, skulu altíð frámerkja týðiliga, at talan er um lýsing, sigur Brúkaraumboðið
Rannvá Ragnarsdótti er brúkaraumboð
 

Fjaldar lýsingar á sosialu miðlunum eru brot á marknaðarføringarlógina.

Brúkaraumboðið ger vart við, at tey, sum fáa fyrimun við at lýsa ella skriva um eina fyritøku, vøru ella tænastu, skulu altíð frámerkja týðiliga, at talan er um lýsing, - sama um skrivað verður á Facebook, bloggi ella øðrum sosialum miðlum.

- Vit síggja oftari og oftari fjaldar lýsingar, har tað tykist greitt, at roynt verður at selja okkurt, men har tað ikki verður gjørt nóg væl vart við, at talan er um lýsing, sigur Rannvá Ragnarsdóttir, brúkaraumboð.  

Galdandi fyri øll

Kravið um at frámerkja tilfar, sum í roynd og veru er lýsingartilfar, er galdandi fyri øll, sum fáa pening fyri at leggja út, ella fáa aðrar fyrimunir við at varpa ljós á eina fyritøku, vøru ella tænastu. 

Brúkaraumboðið hevur gjørt nýggja vegleiðing um, hvussu lýsingar á sosialu miðlunum skulu frámerkjast. 

Vegleiðingin sæst á heimasíðuni hjá Brúkaraumboðnum, bruk.fo. 

Brúkaraumboðið mælir heilt einfalt til, at tey, sum lýsa fyri onnur, skriva lýsing ella sølulýsing fremst í greinini. 

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403