BRÁÐTÍÐINDI: Kannaðu fólkini eru avbyrgd

Tveir føroyingar eru avbyrgdir í egnum heimi, meðan bíðað verður eftir úrslitinum av kanningum, sum skulu staðfesta, um fólkini eru smittað við corona-virusi ella ikki. 

Shahin Gaïni, serlækni, sigur, at royndirnar av  fólkunum er sendar til Danmarkar. Úrslitið verður helst ikki greitt, fyrr enn í morgin.

Heilsufrøðiliga Starvsstovan hevur eisini kannað royndirnar av fólkunum, og úrslitið haðani verður væntandi greitt í kvøld.

Shahin Gaïni sigur, at bæði fólkini hava verið uttanlands, men sannlíkindini fyri, at fólkini hava fingið corona-smittuna, er lítil, tí tey hava ikki verið í londum, har virusið hevur gjørt nógv um seg.

Fólkini eru avbyrgd við hús, men tey liva væl eftir umstøðunum.