SEV: Streymurin í Hvalba kemur helst aftur skjótt

Síðani umleið klokkan 15 í gjár hava Hvalba, Sandvík og Nes ongan streym havt. Í pørtum av Hvalba og Sandvík er streymurin komin aftur, tó at fleiri hús framvegis liggja í streymloysi. 

SEV sigur í dag, at fleiri neyðsynjar aggregat eru farin til Suðuroynna við Smyrli í dag, og tey verða so sett upp í bygdunum, so at øll hús fáa eitt sindur av streymi.

 >> SÍ EISINI  – Sitið uttan streym í eitt samdøgur

Samstundis eru fólk í fjøllunum og hyggja eftir kaðalinum, sum hevur fingið brek. Enn er óvist, um SEV megnar at umvæla kaðalin, tá ið veðrið framvegis er ringt, ella um tað má bíða til veðrið verður frægari. 

Ì gjárkvøldið fór streymurin í bygdunum norðan fyri Klaksvíkina í nakrar tímar. Annars hevur SEV ikki havt trupulleikar av illveðrinum.