- Tíðindi, mentan og ítróttur
Corona: Italia steingir allar skúlar
![](https://kvf.fo/sites/default/files/styles/grein-ovasta-mynd/public/corona_2.png?itok=-rUSidJp)
Italska stjórnin hevur avgjørt at steingja allar skúlar og øll universitet í landinum fyri at berja niður corona-virusið. Tað skriva fleiri italskir miðlar.
Skúlarnir og universitetini verða helst stongd frá í morgin, og tey verða stongd til miðjan mars, skrivar blaðið, Corriere della Sera.
Ítróttarmálaráðharrin í Italia, Vincenzo Spadafora, sigur, at stjórnin helst fer at geva boð um, at allir toppdystir í italsku fótbóltskappingini skulu spælast fyri stongdum hurðum og við ongum áskoðarum.
>> SÍ EISINI Corona: Olympisku summarleikirnir í vanda
– Vit nærkast tí avgerðini, sigur Spadafora, sambært tíðindastovuni hjá Reuters.
Italia er tað landið í Evropa, sum er ringast rakt av coronavirus. Meira enn 2.500 eru smittað, og 79 fólk eru deyð. Serliga er tað NorðurItalia, sum er meinast rakt.
Fyri 10 døgum síðani vórðu skúlar og universitet í ringast raktu økjunum í Norðuritalia stongd. Og fleiri býir eru avbyrgdir