Nýggj almannalóg fyri tingið

Nýggj almannalóg fyri tingið
Lógin avloysir gomlu forsorgarlógina frá 1960-unum, og hon tekur støði í einstaka persóninum, sigur landsstýriskvinnan
Elsebeth Mercedis Gunnleygsdóttir, landsstýriskvinna, hevur borið løgtinginum fimm uppskot um nýggja almannalóg, sum verða løgd fram í morgin
 
05.03.2020 - 14:49

Uppskot um nýggja almannalóg verður lagt fyri løgtingið í morgin.

Meginreglan í lógini er, at støði verður tikið í tí einstaka, sigur Elsebeth Mercedis Gunnleygsdóttir, landsstýriskvinna í almannamálum.

Hugt verður at tørvinum hjá einstaka borgaranum, og síðani eftir, hvat skal til fyri at nøkta tørvin.

Somu møguleikar

Øll skulu hava somu møguleikar, men øll skulu ikki hava somu tænastur.

Í lógini er ásett, at borgarin skal takast upp á ráð. Dentur verður lagdur á fyribyrgjandi táttin, og at veitingar og tænastur skulu virka og eggja til størri sjálvhjálpni.

Landsstýriskvinnan fær eisini heimild til at skipa tænastur, eitt nú viðlíkahaldsvenjing í almannaverkinum.

Gomul forsorgarlóg

Nýggja almannalógin kemur í staðin fyri gomlu forsorgarlógina, sum upprunaliga er ein donsk lóg frá 1960-unum.

Hóast dagføringar eru gjørdar í fleiri umførum, er forsorgarlógin ikki tíðarhóskandi longur í einum framkomnum samfelagi, sigur  Elsebeth Mercedis Gunnleygsdóttir.

Fimm lógir eru lógarpakkanum, sum verður lagdur fyri løgtingið í morgin.

 

 

 

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844