Umhvørvisstovan ger royndir við GPS

05.03.2020 - 08:54
AktueltTøkni
Umhvørvisstovan ger royndir við GPS
Í løtuni er tænastan ókeypis, men uppskot er um, at hon skal kosta 1.000 kr. umframt mvg um mánaðin
 

Umhvørvisstovan fer kanska at bjóða út GPS tænastu. Millum annað byggivinnan brúkar GPS til at gera mátingar. Og nýtslan er vaksandi. 

Djóni Nolsøe Joensen, løgtingsmaður fyri Javnaðarflokkin, hevur spurt Helga Abrahamsen, landsstýrismann, hví tað skal kosta so nógv at brúka GPS.

Fýra GPS-støðir í landinum

Umhvørvisstovan hevur fýra GPS støðir. Tær eru í Klaksvík, Vestmanna, Tórshavn og í Trongisvági.

Enn er talan um ókeypis royndartíð. Men síðani er uppskot um, at tænastan kostar 1.000 krónur umframt meirvirðisgjald um mánaðin fyri hvønn brúkara.

Ein fyritøka, sum til dømis hevur eina gravimaskinu, skal gjalda 1000 kr. um mánaðin fyri at brúka GPS, svarar Helgi Abrahamsen.

Danskur veitari givin

Djóni Nolsøe Joensen sigur, at fyritøkur í Føroyum hava brúkt GPS tænastu hjá privatum donskum veitara, sum ikki tók nógv fyri hana.

Men hann er givin, nú Umhvørvisstovan gevur ókeypis GPS tænastu í einari royndartíð. 

Nú er vandi fyri, at GPS tænastan fer at kosta nógv meira enn hon gjørdi, tá royndartíðin er liðug, sigur Djóni Nolsøe Joensen.

Hann vísir til teldupost frá Umhvørvisstovuni til fyritøkur, sum brúka GPS, um prísin.

 
Nýggjastu sendingar í ÚV
Sunnudag 5. juli
Guðstænasta í Fuglafjarða kirkju
111013
Leygardag 4. juli
Føroyingar álopnir úr luftini
111008
Leygardag 4. juli
Uppvakstrarár á Merseyside
110895
Leygardag 4. juli
Kjakaríið: Heri, Herborg og Hans Jacob
111004
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743