- Tíðindi, mentan og ítróttur
BankNordik bjóðar gjaldskáa í eitt hálvt ár
![](https://kvf.fo/sites/default/files/styles/grein-ovasta-mynd/public/bank_nordik_1.jpeg?itok=fCKEgSs2)
BankNordik bjóðar nú bæði privat- og vinnukundum bankans gjaldskáa í eitt hálvt ár, og harvið leingja afturgjaldstíðina av láninum.
Hjá privatkundum er hetta galdandi fyri øll vanlig lán, t.d. til bústað og bil.
Møguleiki er eisini at fáa játtan um fyribils trot á kredittum.
Gjaldførishjálp
Hjá vinnukundum, sum hava mist, ella vænta at missa umsetingin heilt ella partvíst, er eisini møguleiki at fáa gjaldførishjálp.
BankNordik sigur, at støði verður tikið í viðurskiftunum og fíggjarstøðuni hjá tí einstaka lántakaranum.
Árni Ellefsen, forstjóri í BankNordik, sigur, at tiltøkini skulu vera við til at tryggja, at fyritøkur og húsarhald koma ígjøgnum fíggjarligu avbjóðingarnar, í sambandi við Covid-19.
Tiltøkini koma í gildi alt fyri eitt.