Tilmæli: Í mesta lagi 10 fólk kunnu savnast

Tað er neyðugt bæði at broyta og herða nøkur tiltøk í mun til at avbyrgja corona-smittuna í Føroyum. Tað sigur Epidemikommissjónin, sum hevði fund í gjár seinnapartin.

Mælt verður millum annað til, at fólk í minst møguligan mun savnast í bólkum - jú færri tess betri - tó í mesta lagi 10 fólk.

Eisini mælir bólkurin til at broyta treytirnar fyri karantenu hjá ávísum starvsbólkum sum hava avgerandi týdning fyri, at samfelagið ikki steðgar upp.