Formaður: Landsroyndirnar kundu verðið tiknar av

02.04.2020 - 09:16
AktueltSamfelag
Formaður: Landsroyndirnar kundu verðið tiknar av
Føroyar eiga at umhugsa, um vit skulu blíva við, at halda landsroyndirnar fyri næmingunum í fólkaskúlanum
Arbeiðsorkan til landsroyndirnar er betri brúkt til at greina úrslitini enn at fyrireika royndirnar, heldur formaðurin í Lærarafelagnum. Myndin er ikki frá eini landsroynd
 

Tað sigur Jacob Eli S. Olsen, formaður í Føroya Lærarafelag, í samrøðu við Skúlablaðið.

Um vit skulu hava landsroyndir, mugu vit brúka orkuna at arbeiða við úrslitunum, heldur enn at brúka alla orkuna til at fyrireika royndina, sigur formaðurin í Lærarafelagnum.

Tað fer ov nógv arbeiðsorka til at fyrireika landsroyndirnar við verandi skipan, heldur Jacob Eli S. Olsen, formaður í Føroya Lærarafelag.

Kann vera burturspilt arbeiði

Tað er eitt stórt hóvasták at fyrireika uppgávurnar, telduskipanina, skúlan, læraran og næmingin fyri at fáa royndarúrslitið. Men, tá ið úrslitið er greitt, so var tað tað. Um arbeiði steðgar við úrslitinum, so er tað burturspilt.

Tí um skúlin, lærarin og næmingurin skulu hava nakað burtur úr eini støðumeting, so er tað greiningararbeiði, ið verður gjørt út frá royndini, ið kann geva úrtøku, heldur formaðurin í Lærarafelagnum.

Løgtingið hevur við lóg ásett, at vit skulu hava landsroyndirnar, og tað er tí eisini løgtingið, sum ger av, um landsroyndirnar skulu takast av.

Endamálið má vera greiðari

Eru vit ikki greið yvir, hví vit hava landsroyndirnar, so er betri, um vit taka tær av. Og um tær skulu hava lív lagað, so má vera greitt, hví vit hava landsroynd, og hvussu tær kunnu gagna læraranum og næminginum.

Tað sigur Jacob Eli S. Olsen við Skúlablaðið. Landsroyndirnar vórðu fyrstu ferð hildnar í Føroyum í 2008, og royndirnar hava verið hildnar her á hvørjum ári síðani tá.

Landsroyndirnar verða hildnar fyri fólkaskúlanæmingum í fjórðu og sættu flokkunum í føroyskum, støddfrøði og náttúrulærugreinunum.

 
Nýggjastu sendingar í ÚV
Hósdag 28. mai
Mono 16. apríl 2020
109455
Hósdag 28. mai
Mono 23. apríl 2020
109456
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292