- Tíðindi, mentan og ítróttur
Lønarískoytið nærkast 4.000. 28 mió. kr. higartil
Lønarískoytið nærkast 4.000. 28 mió. kr. higartil
Talið nærkast nú teimum 4.000, sum sagt varð í fyrstani, at lønarískoytisskipanin hjá Als fór at umfata
Nú eru skjótt 4.000 fólk í lønarískoytisskipanini hjá Als.
12.04.2020 - 09:09
Als hevur nú goldið 28 mió. kr. í lønarískoyti, Seinasta útgjaldingin var mikudagin.
Tá fingu tey 400 fólkini, sum ikki fingu mánadagin, lønarískoyti.
Nú er goldið fýra ferðir.
Talið nærkast nú teimum 4.000, sum sagt varð í fyrstani, at lønarískoytisskipanin hjá Als fór at umfata.
Í morgun eru 3.602 fólk í skipanini.
Og okkurt um 400 umsóknir eru ikki avgreiddar enn.
Menn í meiriluta
Og nú eru menninir í meiriluta, teir eru 1805 í tali og kvinnurnar eru 1797.
Flest fólk eru skrásett í Suðurstreymi. Har fáa 1.645 fólk lønarískoyti.
Síðani kemur Eysturoyggin, har 743 fólk fáa ískoyti, og í Norðoyggjum eru 413 fólk skrásett.
Lægsta talið er í Sandoynni, har fáa 50 fólk lønarískoyti.
Nøkur fólk, sum hava verið í lønarískoytisskipanini, eru farin aftur til arbeiðis.
Als tekur ikki pengar úr grunninum sum er, men hevur fingið ein kassakreditt upp á 100 mió. kr. frá Betri banka.
Er kopiera
Nýggjastu sendingar í ÚV
Nýggjastu sendingar í SV
