10. dagurin uttan staðfesta smittu

Heldur ikki hetta seinasta samdøgrið er koronasmitta staðfest í Føroyum, upplýsir landslæknaembætið í morgun. Nú er engin smitta staðfest í tíggju dagar.

184 fólk eru smittað í Føroyum og 169 eru vorðin frísk. Tí hava 15 fólk nú korona, tað heilsumyndugleikarnir vita um.

5.765 fólk eru nú kannað. Tey vóru 5.602 í gjáramorgunin, so 163 fólk blivu kannað í gjár. Sambært corona.fo eru nú 34 fólk í sóttarhaldi, og eingin er innlagdur.