Formaðurin í Umboðsráðnum lagt frá sær

Jákup Egholm Hansen hevur í dag boðað Umboðsráðnum í Ognarfelag Tryggingartakaranna frá, at hann leggur frá sær sum nevndarformaður.

Nú fyrrverandi formaðurin sigur við Kringvarpið, at hann hevur greitt Umboðráðnum frá avgerðini í dag.

– Tað skyldast viðurskifti við nevndarforkvinnuni, Aslaug Gisladóttir, sum eg ikki føli, at eg kann góðtaka ella vil standa inni fyri sum umboðráðsformaður, sigur hann í stuttum boðum við Kringvarpið.

Fyrrverandi formaðurin vil ikki gera fleiri viðmerkingar til málið í løtuni.