Koronu-brúdleyp: 1.000 fólk fylgdu við vígsluni

Koronu-brúdleyp: 1.000 fólk fylgdu við vígsluni
Tey vóru við í andanum, sigur Dina Norðberg um tey 1000 fólkini, sum fylgdu við, tá hon og Evald Norðberg vórðu vígd í næstan tómum sali
 
01.05.2020 - 09:59

4. apríl var ein serligur dagur fyri Dinu Bech. 

Tá skifti hon eftirnavn. 

4. apríl var eisini ein óvanlig hending. Tvey blivu vígd í næstan tómum samkomuhúsi á Skála. 

Kortini fylgdu eini 2.000 eygu við, tá Dina Bech - nú Norðberg - kom gangandi eftir samkomugólvinum til sín komandi gemal, Evald Norðberg.

Hoyr samrøðu við Dinu Norðberg um alternativa brúdleypið:

Tey 2.000 eyguni fylgdu við á Facebook. Tað var ikki tí, at parið ikki ynskti tey til vígsluna. Tað var í hægstu korona-tíð, tá í mesta lagi tíggju fólk kundu vera saman í bólki.

Parið setti nakrar fartelefonir upp á eitt stativ og trýsti á facebook-live. Harvið kundu familja, vinfólk og øll forvitin fylgja við vígsluni, sum varð stroymd á netinum.

Eisini røðan til vígsluna varð hildin á øðrvísi hátt.

Røðarin var ikki til staðar; men vístur á stórskíggja.

 Dina Norðberg sigur, at tað var ongantíð hugsingur um at útseta brúdleypið. 

Og í dag angrar hon ikki, at hennara brúdleyp varð hildið at kalla uttan brúdleypsgestir.

- Eg kendi, at tey vóru við mær í andanum, sigur Dina Norðberg, sum í hesum døgum er á brúdleypsferð í Hvalba við manninum, sum hevur hús har.

Dina Norðberg lesur til lærara og nýtir høvið og friðin at skriva endaligu uppgávuna úr húsunum í Hvalba.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585