Náttarlívið vaknar spakuliga í høvuðsstaðnum

Framvegis er friðarligt í náttarlívinum í Havn - men øll skeinkistøðini fylgja tó ikki tilmælunum frá løgmanni um at lata aftur klokkan 22.

Sambært vakthavandi á politistøðini høvdu trý skeinki- og dansistøð í høvuðsstaðnum opið, tá klokkan var farin av midnátt. Men klokkan eitt korter til tvey í nátt var alt stongt.

Nakað av fólki var í býnum, men tó ikki nær námind tað, sum var vanligt eitt leygarkvøld áðrenn korona.

Nýggjasta tilmælið frá myndugleikunum sigur, at matstovur, kafe'ir, dansi- og skeinkistøð kunnu hava opið undir skipaðum viðurskiftum. Men tilmælið sigur eisini, at hesi støð steingja klokkan 22.

Løgreglan hevur tó onga heimild at steingja støðini, um tey ikki halda tilmælini.

Frá mánadegnum 4. mai kunnu í mesta lagi 50 fólk savnast, tó við tveir metra frástøðu. Men eisini her er talan um eitt tilmæli, sum løgreglan ikki heimild at gera nakað við, verður tað brotið.