Seta 100 mió. kr. av til Suðuroyartunnil um árið

16.05.2020 - 11:30
AktueltPolitikkur
Seta 100 mió. kr. av til Suðuroyartunnil um árið
Landsstýrið ætlar at seta pening av á langtíðarætlanini frá 2024, tá liðugt er at gjalda til Eysturoyar- og Sandoyartunlar
Tá liðugt er at bora Sandoyartunnilin, er ætlanin at halda fram til Suðuroyar
 

Samgonguflokkarnir í rættarnevndini taka ikki undir við uppskotinum hjá Bjarna Hammer, løgtingsmanni í Javnaðarflokkinum, um at stovna partafelag, sum skal gera undirsjóvartunnil til Suðuroyar.

Teir mæla í staðin til, at allir flokkar á tingi skjótast gjørligt gera eina felags semju um hetta málið. Tað er ikki neyðugt at samtykkja at gera partafelag, fyrr enn henda semja er gjørd, siga samgonguflokkarnir í rættarnevndini.

Landsstýrismaðurin í samferðslumálum hevur sagt fyri rættarnevndini, at hann tekur undir við at stovna eitt partafelag, sum skal fyrireika og gera undirsjóvartunnil til Suðuroynna. 

Jørgen Niclasen heldur, at leisturin, sum er brúktur til hinar báðar undirsjóvartunlarnar, kann eisini brúkast til Suðuroyartunnilin.

100 mió. um árið

Landsstýrismaðurin hevur upplýst fyri rættarnevndini, at landsstýrið arbeiðir við eini um ætlan um at seta umleið 100 milliónir kr. av um árið á langtíðar íløguætlanini til Suðuroyartunnilin frá 2024.

Tá fer játtanin til Eystur- og Sandoyartunlar, sum er 50 milliónir kr. um árið, úr gildi.

Fimm milliónir kr. eru játtaðar til forkanningar. Landsverk skal gera seismiskar kanningar, og ætlanin er, at hetta arbeiðið skal byrja í summar. 

Minnilutin í rættarnevndi, sum eru umboðini hjá Javnaðarflokkinum og Tjóðveldi, mælir til at samtykkja uppskotið hjá Bjarna Hammar.

Minnilutin vísir á, at ein arbeiðsbólkur, sum táverandi landsstýrismaðurin í samferðslumálum, setti, hevur víst á, at tað hevur týdning at gera forkanningar í sambandi við Suðuroyartunnilin, meðan arbeitt verður við Sandoyartunlinum, og at eitt partafelag verður stovnað at fyrireika, gera og reka Suðuroyartunnilin. 

Felagið skal eisini útvega fígging til verkætlanina.

Steðgur má ikki koma í

Gongst sum ætlað, verður liðugt at bora Sandoyartunnilin við ársenda í 2021, so tunnilin kann takast í brúk í 2023.

Minnilutin sigur, at undir viðgerðini í rættarnevndini hevur verið víst á, at skal verða koyrandi til Suðuroyar í 2030, má arbeiðið byrja í 2023. 

Tí er neyðugt, at steðgur ikki kemur í, men at arbeiðið heldur heldur fram, tá Sandoyartunnilin er liðugt boraður. 
 

 
Nýggjastu sendingar í ÚV
Mikudag 20. januar
Breddin
119202
Mikudag 20. januar
Nón 20. januar 2021
119193
Mikudag 20. januar
Góðan morgun Føroyar
119170
Týsdag 19. januar
Breddin
119145
Nýggjastu sendingar í SV
Mikudag 20. januar
Jørðin II 1 - Oyggjar
119181
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037