Føroyskur fótbóltur má víkja fyri Premier League

31.05.2020 - 13:40
Aktuelt
Føroyskur fótbóltur má víkja fyri Premier League
Norska TV2 ætlar so líðandi at gevast við at vísa føroyskan fótbólt, nú Premier League byrjar aftur.
 

 

Premier League byrjar aftur í juni, og norska TV2 ætlar at vísa allar 92 dystirnir, sum eru eftir av hesum kappingarárinum.

Hetta ger, at minni av sjónvarpstíð verður til føroyskan fótbólt á norsku sjónvarpsrásini.

Tað skrivar norski tíðindamiðilin vg.no.

Føroyska fótbóltskappingin var millum tær fyrstu at byrja aftur eftir koronukreppuna.

Norska TV2 tryggjaði sær 1. mars rættindi til at senda 12 umfør av føroyskum fótbólti. Men nú eru fleiri aðrar kappingar byrjaðar, og í juni kunnu áskoðarar gleða seg til at síggja Premier League dystir aftur í sjónvarpinum, og tí má føroyski fótbólturin víkja.

TV2 gevst tó ikki beinanvegin við at vísa føroyskan fótbólt.

TV2 sigur, at tey ætla at halda avtaluna og vísa tey 12 umførini, men fara so líðandi at gevast við at vísa føroyskan fótbólt eftir tað.

 - Vit mugu ikki lata okkum blendast av bjørtu ljósunum á Anfield og Old Trafford. Vit mugu eisini minnast til føroyskan fótbólt. Føroyskur fótbóltur kom sum eitt ljós í myrkri, og tað hevur verið sjarmerandi, sigur Vegard Jansen Hagen, ítróttarredaktørur hjá TV2 í Norra.  
 

 
Nýggjastu sendingar í ÚV
Mikudag 27. januar
Góðan morgun Føroyar 27.01.2021
119494
Týsdag 26. januar
Breddin
119470
Týsdag 26. januar
Óhoyrt: Blandað, frá rapp til balladur
119461
Týsdag 26. januar
Tempo: Blandaður gospeltónleikur
119450
Nýggjastu sendingar í SV
Týsdag 26. januar
Jørðin II 2 - Fjøll
119465
Mánadag 25. januar
3-2
119421
Sunnudag 24. januar
Andakt við Frank Jacobsen
119359
Sunnudag 24. januar
Guðstænasta í Kvívíkar kirkju
119351