Yvir 90 prosent færri flogferðafólk

Ferðafólkatalið á flogvøllinum minkar framvegis.

Í mai vóru 91,9 prosent færri ferðafólk enn í mai í fjør.

Ferðafólkini vóru 40.474 í mai í fjør, tey vóru 3.273 í mai í ár. Og tá er innanlandsflúgvingin hjá tyrluni tald við.

Men har eru ferðafólkini eisini nógv færri enn í fjør. Talan er um næstan tveir triðingar. 

Í apríl var afturgongdin í ferðafólkatalinum á flogvøllinum í Vágum 94 prosent sammett við apríl í fjør.

Í apríl í fjør vóru ferðafólkini knappliga 38.000.

Í apríl í ár vóru ferðafólkini 2.400.

Ferðafólkatalið var helvtina minni í mars í ár enn í mars í fjør.

Neyva talið er 48,7 prosent.

SÍ EISINI: Flogvinnan: Nýtt lógaruppskot á ólavsøku