KOKS sleppur at vera frammi við Gjónna

28.06.2020 - 17:36
AktueltVinna
KOKS sleppur at vera frammi við Gjónna
Matstovan skal kortini ikki rigga av í Leynum, sigur Yvirfriðingarnevndin
Michelin-matstovan, KOKS, sum heldur til frammi við Gjónna í Leynum, kann vera verandi, har hon er, sigur Yvirfriðingarnevndin
 

KOKS sleppur at halda fram við virkseminum frammi við Gjónna í Leynum. Tað sigur Yvirfriðingarnevndin, sum nú er komin við sínari niðurstøðu í málinum um ein friðaðan bygning, sum lá í buktini.

Tað var í mars í fjør, at KOKS fekk boð um, at virksemið frammi við Gjónna skuldi riggast av og at matstovan skuldi steingja tann 1. september í fjør.

Orsøkin var ein bygningur, sum Gist og Vist umvældi og umbygdi til at hýsa einum køki og starvsfólkavesi á einum øki, sum varð friðað í 1983.

Avgerðin broytt

Yvirfriðingarnevndin vístí í mars í fjør til grein 6 í náttúrufriðingarlógini um at øll nýbygging á friðaða økinum frammi við Gjónna skal hava beinleiðis tilknýti til landbrúk. 

Í sínum noktandi svari, vísti Yvirfriðingarnevndin á, at hon í síni tíð gav loyvi til, at nýggi bygningurin varð bygdur á friðaða økinum, tí hann eftir ætlan skal latast bóndanum at brúka til sítt landbrúk, tá KOKS gevst frammi við Gjónna.

Nú hevur Yvirfriðingarnevndin broytt hesa avgerðina, og matstovan KOKS kann tískil ótarnað halda fram við virkseminum á staðnum.

Eftirlíka ynski hjá Friðingarnevndini

Orsøkin er, at Yvirfriðingarnevndin hevur eftirlíkað ynskinum hjá Friðingarnevndini í Streymoyar sýslu, sum mælti til lutvíst at strika friðingina, so bygningurin við køki og starvsfólkavesi kann brúkast til matstovuvirksemi.

Yvirfriðingarnevndin hevur í viðgerðini lagt dent á, at tað er eigarin sjálvur, sum ynskti broytingina.

Nevndin heldur ikki, at matstovuvirksemið hjá KOKS frammi við Gjónna hevur órógvað náttúruna, ella at bygningurin, sum varð bygdur uppaftur, misprýðir økið frammi við Gjónna.

 
Nýggjastu sendingar í ÚV
Mánadag 13. juli
Góðan morgun Føroyar 13.07.2020
111313
Sunnudag 12. juli
Frá stríðsárunum (2:15)
110842
Sunnudag 12. juli
Etos: Hví skulu vit hava etikk?
110676
Sunnudag 12. juli
Guðstænasta í Kollafjarðar kirkju
111294
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281