Meira enn 10 milliónir fólk smittað

bannari
28.06.2020 - 12:57
AktueltÚtheimurin
Meira enn 10 milliónir fólk smittað
Almenna talið á fólki, sum hava fingið staðfest COVID-19 er nú farið upp um tær 10 milliónirnar
Fleiri enn 2,5 milliónir fólk í USA hava nú fingið staðfest COVID-19, og 125.539 fólk í landinum eru deyð av smittuni
 

Tað vísir tann nýggjasta uppgerðin hjá John Hopkins University, ið skrásetir tøl frá heilsumyndugleikunum í øllum heiminum, sambært BBC News.

Flestu COVID-19 tilburðirnir eru skrásettir í USA. Har hava meira enn 2,5 milliónir fólk higartil fingið staðfest smittuna, vísa nýggjastu tølini.

Talið á deyðum nærkast 500.000

Hini londini á topp 10 listanum, har nógvir tilburður eru staðfestir, eru Brasil, Russland, India, Stóra Bretland, Peru, Kili, Spania, Italia, Iran og Meksiko.

Líkt er eisini til, at samlaða talið á fólki í heiminum, sum eru deyð av COVID-19, seinnapartin fer upp um eina hálva millión, skrivar BBC News.

Higartil eru 499.296 fólk í øllum heiminum deyð av COVID-19, vísir nýggjasta uppgerðin hjá John Hopkins University. Í Føroyum er eingin deyður av smittuni.

 
Nýggjastu sendingar í ÚV
Fríggjadag 7. august
Summartímin hósdag 6. august
112060
Fríggjadag 7. august
Morgunlesturin fríggjamorgunin 7. august 2020
111745
Mikudag 5. august
Ein táttur er silvur 5. partur
112000
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807