Fara undir at bora Dalstunnilin í heyst

13.07.2020 - 09:09
AktueltSamfelag
Fara undir at bora Dalstunnilin í heyst
Níggju milliónir krónur eru settar av til tunnilsliðið hjá Landsverki, ið skal bora tunnlar til smærru bygdirnar í Føroyum
Mynd: © Landsverk  
 

Byrjað verður í Dali í heyst, og við verandi játtan verður tunnilin neyvan liðugur fyrrenn um seks ár.

Tað var annars í mai í fjør, at táverandi landsstýrismaður í samferðslumálum, Heðin Mortensen, loysti fyrsta flagið í Húsavík.

Níggju milliónir krónur verða settar av til arbeiðið árliga. Stjórin á Landsverki heldur, at landsstýrið eigur at seta fleiri pengar av næstu árini, so ferð av álvara kann setast á arbeiðið at bora tunnilin.

Verða 20 milliónir krónur settar av, kunnu vit bora millum 500 og 700 metrar um árið. Tað vil siga, at við 20 milliónum tekur tað trý ella fýra ár at bora tunnilin, sigur Sigurd L. Lamhauge.

Við teimum pengunum, sum Landsverk hevur til tunnilsliðið nú, verður mett, at tað fer at taka umleið seks ár at bora tunnilin.

Eg vóni, at tá ið arbeiðið er byrjað, so verða fleiri pengar settir av, sigur stjórin á Landsverki.

Bergholið til Dals verður 2.200 metrar langt og átta metrar breitt.

Eisini skulu 200 metrar av vegi gerast húsavíkarmegin, 100 metrar av vegi dalsmegin, og tríggir kilometrar av verandi vegi skulu breiðkast.

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809