Karelia á veg til fiskiskap í altjóða sjógvi

Russiski trolarin Karelia er á veg til fiskiskap í NEAFC-økinum, sum er í altjóða sjógvi norðan fyri Føroyar.

Hann er staddur í ein landnyrðing úr Føroyum, og er farin úr føroyskum sjógvi.

Myndugleikarnir í Føroyum hava annars staðiliga heitt á skiparan um at fara heim til Russlands alt fyri eitt, tí tá 30 av teimum 77 monnunum umborð vórðu kannaðir, høvdu 23 teirra koronu.

Tveir russiskir fiskimenn, sum vóru við Kareliu, eru á Landssjúkrahúsinum.

Karelia fór av Fuglafirði leygardagin. Trolarin bunkraði í Fuglafirði.