11 smittutilburðir á Cassiopeia

11 tilburðir av koronasmittu er nú staðfestir umborð á farmaskipinum Cassiopeia, sum er skrásett í Litava.

Tað upplýsir Faroe Agency, sum umboðar skipið í Føroyum, fyri Kringvarpinum í morgun.

Ólavsøkuaftan vóru seks tilburðir staðfestir, og nú eru fimm av manningini smittaðir aftrat.

Hvat hendir við skipinum og manningini, er framvegis óvist, men fyribils liggur skipið til í morgin, meðan reiðaríið tekur støðu til, hvussu farast skal fram, sigur Faroe Agency.

Manningin á Cassiopeia er avbyrgd umborð, og sleppur ikki í land, sigur Karl-Erik Reynheim á Faroe Agency.