Tveir nýggir tilburðir staðfestir í Føroyum

bannari
04.08.2020 - 11:51
AktueltHeilsa
Tveir nýggir tilburðir staðfestir í Føroyum
Koronusmittan er aftur staðfest í Føroyum, váttar landslæknin fyri Kringvarpinum
Koronusmittan er nú aftur staðfest í Føroyum, váttar landslæknin fyri Kringvarpinum stutt fyri døgurða
 

Tvey fólk í Føroyum hava fingið staðfest koronusmittuna. Tað váttar Lars Fodgaard Møller, landslækni í Føroyum, fyri Kringvarpinum.

Tey bæði fólkini, sum hava fingið staðfest COVID-19 smittuna, hava bæði verið á ólavsøku, og fólkini hava ikki tilknýti til hvønn annan.

 >> SÍ EISINI Landslæknin: Støðan er ørkymlandi

Eitt annað fólk, sum eisini var statt í Føroyum á ólavsøku, og sum nú er farið aftur til Danmarkar, hevur eisini fingið staðfest koronusmittuna.

Tað er óvist, um hetta triðja fólkið er smittað í Føroyum. Landslæknin veit longu við vissu, at tvey av fólkunum eru smittað í Føroyum, upplýsir Heilsumálaráðið.

Landslæknin rópar varskó

Landslæknin mælir nú øllum til at taka støðuna í størsta álvara. Tað er neyðugt, at øll venda aftur til góða atburðin við góðum reinføri og neyðugu frástøðuni, sigur hann.

– Taka vit okkum ikki um reiggj nú, er veruliga vandi fyri, at smittan fær fastatøkur í Føroyum. Her er talan um tríggjar ymiskar smittuketur, sigur landslæknin.

 Tí skulu vit brúka stóra orku upp á at smittuuppspora tær ymisku smittuketurnar, sigur Lars Fodgaard Møller í tíðindaskrivi, sum varð sent út beint eftir klokkan 12.

Landsstýrið og Epideminevndin koma saman

Bæði landsstýrið og Epidemikommisjónin fara at koma saman sum skjótast, nú fleiri nýggir COVID-19 tilburðir eru staðfestir, upplýsir Heilsumálaráðið.

Landslæknin heitir á øll fólk, sum hava verið í sambandi við tey smittaðu, um at seta seg í samband við seg á teldupostinum lafm@stps.dk

Teir báðir tilburðirnir, sum nú eru staðfestir í Føroyum, eru staðfestir í kanningum í Havn og Klaksvík, sigur Lars Fodgaard Møller, landslækni, við Kringvarpið.

 
Nýggjastu sendingar í ÚV
Mánadag 21. september
Við Tórði á túri í Trøllhøvda
113741
Mánadag 21. september
Harðveðurs hæddir (01:31)
113736
Mánadag 21. september
Nón 21. september 2020
113734
Mánadag 21. september
Norðurljóð 21. september 2020
113580
Mánadag 21. september
Áðrenn Elvis
113728
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403