Harris: USA skríggjar eftir leiðslu

13.08.2020 - 09:41
AktueltÚtheimurin
Harris: USA skríggjar eftir leiðslu
Joe Biden og varaforsetavalevni hansara, Kamala Harris, hava hildið sín fyrsta valfund saman
Kamala Harris er varaforsetavalevni hjá Joe Biden, og tey hava havt sín fyrsta valdfund saman
 

Týskvøldið okkara tíð kunngjørdi amerikanska forsetavalevnið hjá demokratiska flokkinum, Joe Biden, at tað verður senatorurin úr Kalifornia, Kamala Harris, sum verður hansara varaforsetavalevni.

Og Harris legði ikki fingrarnar ímillum, tá hon í gjár segði síni fyrstu orð sum varaforsetavalevni.

- Donald Trump er ikki nóg góður til starvið sum forseti í USA. USA skríggjar eftir leiðslu, men kortini hava vit ein forseta, sum hugsar meir um seg sjálvan enn um tey, sum hava valt hann, segði Kamala Harris í Delaware, har hon og Joe Biden hildu sín fyrsta valfund saman.

Korona og búskapur

Kamala Harris fanst at Donald Trump fyri handfaringina av korona-kreppuni í USA og av búskaparkreppuni, sum er komin við henni. 

- Hetta er tað, sum hendir, tá vit velja ein mann, sum barasta ikki er nóg góður til starvið. Okkara land endar við at liggja í sori, og tað sama ger okkara umdømi um alla verðina, segði Kamala Harris.

Hon nevndi tó einki um, hvat demokratarnir fara at gera øðrvísi, um hon og Biden verða vald. Men eygleiðarar halda, at røðan gav eina góða ábending um, hvussu valstríðið í USA fer at verða.

Amerikanska forsetavalið verður 3. november.

 
Nýggjastu sendingar í ÚV
Hósdag 24. september
Morgunlestur hósdagur 24. september 2020
113638
Mikudag 23. september
Breddin
113863
Mikudag 23. september
Nón 23. september 2020
113860
Mikudag 23. september
Góðan morgun Føroyar 23.09.2020
113837
Mikudag 23. september
Morgunlestur mikudagur 23. september 2020
113643
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746