Umrøða ætlanina at skilja netið frá

14.08.2020 - 07:19
AktueltPolitikkur
Umrøða ætlanina at skilja netið frá
Borgarstjórarnir hava í næstu viku fund um ætlanina hjá landsstýrinum at skilja netið hjá SEV frá øðrum virksemi hjá SEV
 

SEV verður eisini á fundinum, stendur í fundarboðunum 17. juli til teir 29 borgarstjórarnar. Landsstýrið ætlar í seinasta lagi 31. desember næsta ár at stovna eitt sjálvstøðugt interkommunalt lutafelag

Lutafelagið skal hava loyvið til netvirksemi, tað loyvið, sum SEV hevur nú. Landsstýrið skal góðkenna viðtøkurnar hjá lutafelagnum.

Sambært tí, landsstýrið ætlar, skulu nevndarlimir og leiðsla í netfelagnum ikki samstundis hava sæti í nevnd ella stjórn hjá elframleiðslufelagi ella øðrum felagi, sum hevur vinnulig áhugamál á elveitingarøkinum.

Finnast at landsstýrismanninum

Netfelagið skal ikki eiga, ella sjálvt vera ogn hjá feløgum, sum gera ella selja elorku. Kommunufelagið sigur, at tað kann als ikki góðtakast, at hetta arbeiðið verður gjørt uttanum kommunurnar, sum eiga SEV.

Í fundarboðunum til fundin fyrrapartin, skrivar Kommunufelagið, at landsstýrismaðurin, Helgi Abrahamsen, av sínum eintingum hevur fyrireikað lógaruppskot uttanum kommunurnar.

Hetta lógaruppskot fer grundleggjandi at broyta fyritreytirnar hjá SEV at virka. Vit meta hetta sum eitt álvarsmál, sum kommunurnar eiga at umrøða innanhýsis, stendur í fundarboðunum.

Fundurin skuldi verða í morgun, men hann er fyribils útsettur til næstu viku.

 
Nýggjastu sendingar í ÚV
Fríggjadag 25. september
Góðan morgun Føroyar 25.09.2020
113936
Fríggjadag 25. september
Morgunlestur fríggjadagur 25. september 2020
113639
Hósdag 24. september
RagnarRokk 24.september 2020
113781
Hósdag 24. september
RagnarRokk: Lee Kerslake 1947-2020
113742
Hósdag 24. september
RagnarRokk: Allan um At The Movies
113739
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746