Eingin koronusmitta í fimm dagar

Fimta dagin á rað er eingin koronusmitta staðfest í Føroyum. 

Tað vísa nýggjastu tølini hjá Landslæknanum. 1.011 kanningar vórðu gjørdar kring landið í gjár. 

13 fólk eru staðfest frísk síðsta samdøgrið. Sostatt er talið av smittaðum minkað úr 67 niður í 54.

Sjómenn og fótbóltsspælarar

Millum tey 54 smittaðu eru 29 útlendskir sjómenn og tveir útlendskir fótbóltsspælarar.

Tveir persónar eru í løtuni innlagdir í sjúkrahúsverkinum við koronusmittu.

128 fólk eru í løtuni í sóttarhaldi í Føroyum. Tað eru 47 fólk færri enn í gjár.