Eingin tilburður í eina viku

Seinastu vikuna er eingin staðfestur at hava koronu í Føroyum

Eingin smitta varð staðfest í gjár, vísa nýggjastu tølini hjá Landslæknanum.

Nú eru næstan 92.000 kanningar gjørdar.

Sjeyndi dagurin

Í gjár var sjeyndi dagurin á rað, at eingin smitta verður staðfest innanlands. 1.087 kanningar vórðu gjørdar í gjár.

411 fólk hava fingið staðfest smittuna í Føroyum. 361 eru frísk aftur, og 50 fólk eru smittað í løtuni.

Tvey fólk liggja á sjúkrahúsi, men eingin er á intensivari deild, upplýsir Heilsumálaráðið.