Yantarnyy er nú í Nólsoyarfirði

Russiski trolarin Yantarnyy fór klokkan hálvgum átta í gjárkvøldið av Oyrareingjum í Nólsoyarfjørð at leggja seg.

Fólk, sum búgva á Signabø, hava kært sína neyð um gangin frá Yantarnyy.

Í gjárkvøldið segði Bogi Andreasen, formaður í Vinnunevndina í Tórshavnar kommunu, við Útvarpið, at Yantarnyy fór av Oyrareingjum í gjárkvøldið.

Og tað fór hann so í gjárkvøldið.

Yantarnyy kom á Oyrareingir 23.august eftir at hava verið til fiskiskap norðanfyri.

29 av manningini, sum telur 77, vístu seg at vera koronusmittaðir.

Eitt frystifarmaskip var komið til Føroya at taka fiskin hjá Yantarnyy.

Men tað skipið er farið úr Føroyum aftur uttan fiskin hjá Yantarnyy.

Eingin avgerð er tikin enn um, hvat hendir við Yantarnyy ella manningini.

Men manningin hevur tað gott, siga tey hjá Faroe Agency, sum umboðar skipið í Føroyum.